صبرنى يارب
- ماما عاوز البس التيشرت الجديد
- لا يا حبيبى ده بتاع العيد .. البس اى حاجه تانيه
- لا ده بتاعى أنا .. انتى مش قلتى ده علشانك حتديه للعيد ليه ؟؟
- يا حبيبى عيد ايه اللى حديهوله؟؟؟ ده تيشرتك انت بس حتلبسه فى العيد
- هو العيد ده انسان و لا حيوان و لا ايه ؟؟
- حيوان ايه يا قنفد انت ؟؟؟ العيد ده مناسبه .. حيجى بعد رمضان
- طيب افرضى مجاش
- يالله يا ولى الصابرين .. دى اكيد ذنوب بكفرها .. يا ابنى يا حبيبى مش حيجى ازاى يعنى ؟؟؟
-ى افرضى عيان ,أفرضى عنده أسهال , أفرضى عنده ضيوف ما البسش التيشرت غير لما يجى
- يا ابنى هو جاى زياره ؟؟ ده يوم زى السبت الحد كده يعنى ننام نصحى نلاقى العيد تلبس التيشرت على طول
- طيب و لما يشوفنى لابس التيشرت هيعمل ايه يعنى ؟؟
- هو مين ده ؟؟؟
- العيد!!!!!!!!!
- ولا.. انت حتجننى ؟؟؟؟ عيد ايه اللى حيشوفك بالتيشرت ؟؟
- يعنى كمان مش بيشوف ؟؟؟ اومال مخليانى البسهوله ليه ؟؟؟
- مروان البس التيشرت . ولع فى التيشرت . قصقص التيشرت و اعمله عصافير الجنه سيبنى بقا علشان انت فاضل فى عمرك 3 ثوانى
- بتزعقى ليه ؟؟ انتى بتحبى العيد اكتر منى ؟؟؟ خلاص حخلى التيشرت علشان متزعليش .. ممكن بقا البس البيجاما الجديده و انام
- نام بس سيب البيجاما دى للوقفه
- مين الوقفه ؟؟؟؟
- اخت العيد الصغيره
- طيب دى بنت اديها بيجامه مريم
- مروان خد البيجاما و التيشرت و الشورت و اطلع نام على السلم ..
صبرني يارب 
مــوضوع
أستعرض الموضوع السابق 
