مانيش هو اللى كان انسان
مانيش هو
ولا حتى ملامحى كمان
بتشبهلو
ولا تجاعيدى
تجاعيده
ولا دمى كمان
حتى شبه دمه
ولا عصبيتى لا وهيبتى
كمان زيه اللى كان هو
مانيش هو اللى كان انسان
ولا حتى هعود تانى كما الانسان...
ماهوش قلبى اللى كان نابض
بقلب جسور
ماهوش احساسى ولا سيرتى
ماهوش تنهيدى ولا صبرى
مانيش هو اللى كان انسان
عاصى ومتجبر
مانيش هو الصعيدى اياه
ماهيش عصبيته ولا غضبه
مهوش قلبه اللى كان عاصى
ولا جبروته ولا زعله
اتبدل حاله واحواله
عن احساسه ومشاعره
اللى كانو بيفسرو الاحلام
وكانو يشوفو كل كلام
بتنقهم شفايف الريم
مانيش هو
ومتغير
ومتحير
وماشى لوحدى وسط طريق
ابص لفوق
ابص يمين
ابص شمال
الاقى الطيف مع البسمه
الاقى المسه واللمه
واحس الضمه والتنهيد
ابص بعيييد
اشوف الخصر والحاجب
اشوف الدنيا خضرا ربيع
واشوف الكلمه بتعاتب
زعل بينا مهوش بعيد
اعود وارجع كما العيل
واشم العطر واميل
على الخد اللى ساحرنى
ابوس الخد والحاجب
واحس الضمه بين الايد
مانيش هو اللى كان قاسى
وكان عاصى
وكان كما الحجر ناسى
لنور الشمس
وكان زى الحجر ناكر
لسحر القمر
وكان كما الحجر ناكر
دفا الارض
بقيت واحد مهوش عارف
ف وقت الحضن يحصل ايه
بكون غايب عن الدنيا
بكون طاير
بكون فارس كما الفرسان
بكون عاشق وبتمنى الزمان يسكت
ميتكلمش
وبتمنى الحروف تعزف
لاجمل رمش
وبتمنى الحياه تتعاش
كما عايش ف حضن العشق
بكون انسان مع حببتى
بكون فنان مع اميرتى
بكون صعيدى متقيم
بكون متهاب ومتزين
مانيش هو اللى كان زماااان
واحد ارعن ولا يعرف يصوغ الشعر
واحد ارعن ولا يقدر يعيش الحب
باقيت عاشق
وبتمنى تطول بينا سنين العشق
بحبك وحشتينى
عمده
مانيش هو...........!!؟
مــوضوع
أستعرض الموضوع السابق 
