بصو يا بنات انا والله دخت في موضوع اللنشن
لان بحبه جدا وكنت بخاف اشتريه من بره بس
المهم قررت اضع حد لهذا الوضع المؤسف
واخييييييييييييييرا عرفت الطريقه وكمان من غير
لحمه تخيلو المهم
المقادير
3 بيضات _ 3 حبات حبهان _ 3 ملاعق دقيق _
3 جبنه مثلثات _ مكعب ونص مرقه دجاج _ نص ملعقه
صغيره فلفل اسود _ نص كوب زيت _ وشعره صغنوووو
وووووووووووووونه جدا لعله (دم الغزال) لونها احمر
من عند العطار
اكيد عرفينها بس خدي بالك اوعي تحطي بزياده
وتكوني كريمه لحسن هتطلع كبده مش لنشن
هههههه
الطريقه بقي يا قممير
كل الخلطه دي تتحط علي بعضها في الخلاط
العادي وتضربيها
الخطوه المهمه
هنحط حله مايه تغلي علي النار ونحط الخلطه دي
في اي حاجه اسطوانيه قابله للحراره يعني مثلا لبانه
ممكن او كنكه او كبايه استلس ونحطها في الحله
بس طبعا المايه متكنش مغطياها يعني 3/4 كده
ونغطي الكبايه او الي انتي حطيتي فيه الخلطه
ونغطي الحله وعلي نار هاديه اوي زي الرز كده
نسيبها من ساعه لساعه ونص بس هتلاقيها مسكت
تقومي قلباها علي طول وتحطيها في الثلاجه بس
لازم تقلبيها وهي سخنه علشان تنزل متغلطيش
الغلطه الشنيعه الي انا غلطها ههههه سبتها لحد
ما بردت ومعرفتش اخرجها بس الحمد لله هي طلعت
معوجه شويه بس يله المره الي جايه احسن
طريقة عمل اللانشون
مــوضوع
أستعرض الموضوع السابق 
