الموت بطئ
واللحد شمتان ف الجسد
مستنى ايه
يا موت كفاياك حسد
ارحم دموع القلب الاخضر الصبى
ادخل بقا لـــ موكبى
احصد سنين عمرى العجاف
رجعنى لتابوت قلبها
الموت وفى
حالف يمين ليعود بقلبى لـ لحدها
الموت صبح انسان امين
حالف كمان 60يمين
ليرجع الفرحه ال راحت من سنين
ويكبر الاحساس بعشقى للعيون الدبلانين
وينمى شوقى ولهفتى كده حبتين
ويعيش معايا ف غربتى
يحول الاحزان لصمت مالوش نهايه
وهنا بقى تخلص حكايه
وتبتدى برضك حكايه
تبدا حكايات السكات
وتعيش ياقلبى ف السهاد
مليان حنين
لنظره واحده من عنيها العشقانين
ولمسه واحده من ايديها الدفيانين
مشتااق ياموت
قبل الرجوع للقلب لاخضر من جديد
همسه امل تكسر قود
وتدوب اغلال الحديد
الموت وفى
حالف طلاق تلاته لينتقم
من غربتى ووحدتى
من كل احزان دنيتى
موجوع ياموت
جوا سكاتى وهجرها
خايف على القلب الصبى
يرجع كما الوقت العصيب
كهل وعجووز
ولا يجوز
يتحول الطفل الرضيع
راجل عجوز
الموت وفى
حالف لياخد تارى من ظلم السنين
حالف برحمه قلبى واجمل عنين
ليعود شبابى من جديد جوا التابوت
وتسح عينى من الم الفراق
وتوه دموع حلفت زماان ما تنكوى
حتى من وجع الممات
الموت وفى...
عمده
الموت وفى....!!
مــوضوع
أستعرض الموضوع السابق 
